PAWIKAN, PINAKAWALAN

SAN JUAN, BATANGAS - isinagawa ang pagpapakawala ng anim na iba't ibang klase ng pawikan sa Kabayan Beach Resort, Brgy. Laia ng naturang bayan noong Agosto 11, 2005. Nakilala na green sea turtle, hawksbill at loggerhead ang mga ito ng mga kawani ng Municipal Agriculture Office at ilang eksperto. Nanguna sa pagpapakawala ng mga pawikan ang kapitan ng Brgy. Laia na si Bonching Llana na sya ding may-ari ng naturang beach resort. Sinuportahan naman ito ng ilang kawni ng munisipyo ng San Juan, Punongbayan ng Padre GArcia na si Prudencio Gutierrez, local at national media, NGOs gaya ng Tanggol Kalikasan, POs at ilang Municipal Agriculturists
Ayon kay Punongbayan Prudencio Gutierrez, binili ng isang tatay sa kanilang bayan ang isa sa mga pawikan na pinakawalan upang iregalo sa kanyang anak. Subalit hindi natuwa ang anak nito dahil alam niya na nabibilang na sa mga endangered species ang mga ganitong uri ng yamang dagat, bagkus itnawag agad sa tanggapan ng Municipal Project Development Coordinator na si Gng. Cora Garen upang makipagtulungan sa mabilisang pagpapakawala nito. Dahil walang malapit na dagat sa bayan ng Padre Garcia, agad naman itong nakipag-uganayan sa kanilang Municipal Administrator na si Ramil Calingasan upang siya ang makipag-tulungan sa kalapit na bayan na may karagatan. Dahil hindi aganda ang kalagayan ng pawikan agaditong dinala sa bayan ng San Juan, Batangas at doon nakipagtulungan ang mga kawani ng Municipal Ariculture office at Office of the Mayor, mahigit isang linggo na ang nakakaraan.
Dahil ang bayan ng San Juan ay isa sa mga coastal municipalities na nagsusulong ng programa upang pangalagaan ang kanilang karagatan agad naman nila itong tinanggap at isinama sa mga pawikan na inaalgan pansamantala sa isang maliit na fish pond sa loob ng kabayan Beach Resort. Sinabi naman ni Kapitan Bonching Llana na naipon nila ang mga pawikan mula sa mag mangingisda na nakahuli sa mga ito. Dahil nga aware din sila sa endangered species campaign, nagbibigay sila ng pabuya sa sinumang makakahuli ng pawikan sa karagatan upang muling ibalik ang mga ito.
Nakipag-ugnayan naman sa tanggapan ng Tanggol Kalikasan-Timog Katagalugan si Noel Pasco kawani ng tanggapan ng punongbayan ng San Juan, Batangas upang makiisa at saksihan an naturang pagpapakawala ng pawikan bilang katuwang na organisasyon sa nasabing proyekto. Ayon kay Atty. Asis ng Tanggol Kalikasan, ika-anim ang loggerhead na pinakawalan na nakita dito sa buong Pilipinas, batay sa tala ng Protected Area Wildlife Bureau (PAWB).My suka na 73 inches ang haba at 67 ang lapad ng naturang loggerhead kung saan ito ang pinakamalaki sa anim na pawikang pinakawalan.
Nakiisa rin sa naturang gawain si Bokal Mark Leviste ng 4th District ng lalawigan ng Batangas.
 

[ BACK ]